naar inhoud
Bij de lokale winkelier

Handelaars stralen in campagnefilm #bijdelokalewinkelier

20 jun
Tijdens de opening van de Grote Markt op 19 mei lanceerden we onze campagnefilm #bijdelokalewinkelier. Speciaal voor deze gelegenheid schreef stadsmedewerker Saimir Aliaj een West-Vlaams rapliedje.

"Ja, we koopn met plezier, bie de lokale winkelier,

acht zes dubbel nul, je vinnet ol ier" 

 

 

 

- Wuk doej gie ier in Smude?
* Komn achter een nieuwe bril ier in de winkelstroate
- Kom je juste dovoarn?
* Monink kun ier beist nog e toertje doen ook eh. En kostn ier makkelijk geraakn metn tring. Das makkelijkst zonder bril.
- Ewe kijk kgon nog eki meegoan meje!

- Woa zoej begin an da gigantisch stadsplan?
* We goan eerst na de markt tis op wandelafstand
* Lat us nog e bitje winkelen
- Das e strak plan
* Ewe vint
- Chance dawe afkwamn

REFREIN

Ja we koopn me plezier 
Bie de lokale winkelier 
(Scratch) 
acht zes dubbel nul, je vinnet ol ier 

Ja we koopn me plezier 
Bie de lokale winkelier 
(Scratch) 
acht zes dubbel nul, je vinnet ol ier 


STROFE

Wo vien je zoveel winkelplezier in e stad?
En woar is alles met zoveel liefde gemaakt
Woa wordt er zo gepeisd an iedere stap?
Soms moej investeern in nieuwere marktn!

Snapje? Je doet die goeie zaken iere
Ist er 'beef'? Ton ist juste in de slagerie
Nee, 't droait nie enkel om de kassa
Diksmuide wilt kwaliteit vo de massa

Ier zoen ze noois je zintugn misbrukn
Goeie commersantn vo de klant, der zien gin trucn
Wil je verfrissing, mo wil je liever gin pint zupn?
Ton ist er een nieuwe zwembad woa daj kut indukn!

Het aanbod hier is breed, das zeker
En lat me nie begin over alle deelgemeenten
Aj langskomt ziej duidelijk tevreedn
En wit je nie wa gedoan? Bezoekdiksmuide.be

REFREIN

Ja we koopn me plezier 
Bie de lokale winkelier 
(Scratch) 
acht zes dubbel nul, je vinnet ol ier 

Ja we koopn me plezier 
Bie de lokale winkelier 
(Scratch) 
acht zes dubbel nul, je vinnet ol ier 


STROFE

De eenheid in de stad is zeker garant
Nergens in de streek vienje betere bandn
‘Of bie de velomarchand. Bicyclettebandn!'
Nu gelijk wukke middenstander is interessant

Ier voel je de klik bie iedere handeloar
Wilje alles doen ton ziej zeker i, gin dagsje kloar
Aje komt in Smude ton geniet je
Veel meer te doen dan daj ku steekn in e liedje

 

Nieuwsoverzicht